اسلام آباد(بگ ڈیجٹ) اسلام آباد کرائم اینڈ کورٹ رپورٹرز ایسوسی ایشن اکرا کے وفد نے صدر صغیر چوہدری کی زیر قیادت وزیر اعظم کی مشیر برائے انسانی حقوق مشعال ملک سے ملاقات کی

اسلام آباد کرائم اینڈ کورٹ رپورٹرز ایسوسی ایشن اکرا کے وفد نے صدر صغیر چوہدری کی زیر قیادت وزیر اعظم کی مشیر برائے انسانی حقوق مشعال ملک سے ملاقات کی مشعال ملک نے اکرا وفد سے گفتگو کرتے ہوئے کہا کہ پوری دنیا میں جس طریقے سے انڈیا پاکستان اور کشمیر کے خلاف کیمپین چلا رہا ہے اور جو وہ پیسہ خرچ کر رہا ہے پاکستان کا منفی تاثر اجاگر کرنے کے لیے اس کو کم کرنا ضروری ہے مشعال ملک نے اکرا سے بات چیت کرتے ہوئے کہا کہ ہماری کوشش ہے کہ مسئلہ کشمیر کو عالمی برادری کے سامنے اس طریقے سے رکھیں اور کشمیر اور کشمیریوں کے جو مسائل ہیں وہ دنیا کے سامنے اجاگر ہوں اور نہ صرف اجاگر ہوں مشعال ملک نے مزید کہا کہ اس وقت کشمیریوں کا جو قتل عام کیا جا رہا ہے اس کی دنیا میں مثال نہیں ملتی جبکہ کشمیریوں کے جو ظلم و ستم ہے پچھلے 75 سالوں میں انڈیا نے جو ظلم اور ستم کے پہاڑ توڑے ہیں اس کی بھی دنیا میں کہیں نظیر نہیں ملتی انہوں نے کہا کہ یاسین ملک جیسے لیڈر کو اس وقت انڈیا اپنی الیکشن مہم کا حصہ بنا کر چل رہے ہیں اور مودی اور آر ایس ایس جو کہ ایک دہشت گرد تنظیم ہے ان کی یہ کوشش ہے کہ یاسین ملک کو پھانسی دے کر اگلا الیکشن جیتا جائے ایک سوال کے جواب میں مشعال ملک نے کہا کہ نگران وزیراعظم اور متعلقہ اداروں کی یہ کوشش ہے کہ الیکشن وقت پر ہوں اور صاف شفاف ہوں انہوں نے اکرا عہدے داران اور ممبران سے بات چیت کرتے ہوئے کہا کہ ہیومن رائٹس اور دوسرے مسائل کی طرف آپ نشاندہی کریں اور میں اس پہ عمل پر عملدرآمد ہوگا۔

اسلام آباد کرائم اینڈ کورٹ رپورٹرز ایسوسی ایشن اکرا کے وفد میں صدر صغیر چوہدری سرپرست اعلی اکرا و بیورو چیف جی این این میاں شاہد۔ کارسپانڈنٹ اے بی این نیوز و سیکرٹری اکرا انوار عباسی ۔ کارسپانڈنٹ روزنامہ اوصاف و فنانس سیکریٹری اکرا احسان بخاری ۔ سیکرٹری اطلاعات شمس نیازی۔ سینئر جوائنٹ سیکرٹری رانا عدنان ۔ ممبران گورننگ باڈی میں چیف رپورٹر روزنامہ جناح۔آن لائن شہزاد ملک۔ جی این این سے عاطف بٹ۔ خیبر نیوز سے مدثر حسین ۔ 24 نیوز سے طیب سیف۔ اے بی این نیوز سے سائرہ اور روزنامہ ممتاز سے شیراز حسین شامل ہوئے ۔ مشعال ملک نے کہا کہ انسانی حقوق کی پامالی کے خلاف عوامی آگاہی اشد ضروری ہے اس حوالے سے میڈیا ایک اہم کردار ادا کرسکتا ہے انہوں نے امید ظاہر کی کہ اکرا کے ساتھ مل کر وزارت انسانی حقوق اپنا پیغام لوگوں تک پہنچائے گی آخر میں مشعال ملک نے اسلام آباد کرائم اینڈ کورٹ رپورٹرز ایسوسی ایشن اکرا کے صدر صغیر چوہدری اور تمام عہدے داروں کا شکریہ ادا کیا۔ مشعال ملک کو عہدہ سنبھالنے پر اکرا وفد نے مبارک دی اور گلدستہ بھی پیش کیا۔