لاہور (بگ ڈیجٹ) کہاں کہاں بادل برسیں گے ؟ محکمہ موسمیات نے بتادیا

محکمہ موسمیات نے آج سے ملک بھرمیں بارشوں کی پیشگوئی کر دی۔

محکمہ موسمیات کا کہنا ہے کہ بارشوں کا سلسلہ آج سے 27 اگست تک جاری رہے گا، بحیرہ عرب سے مون سون ہوائیں ملک کے بالائی علاقوں میں داخل ہوں گی۔

آج سے 27 اگست کے دوران آزاد کشمیر، گلگت بلتستان، گلیات، اسلام آباد میں گرج چمک کے ساتھ بارش کا امکان ہے، راولپنڈی، اٹک، چکوال، جہلم سمیت پنجاب کے بیشترعلاقوں میں بھی وقفے وقفے سے بادل برسیں گے۔

چترال، دیر، سوات، ایبٹ آباد، ہری پور، مانسہرہ، کوہاٹ، پشاور، مردان، صوابی نوشہرہ میں بھی تیز ہواؤں کے ساتھ بارش کا امکان ہے، 24 سے 26 اگست کے دوران کرم، لکی مروت، ڈیرہ اسماعیل خان، بنوں، میانوالی، سرگودھا، خوشاب اور بھکرمیں گرج چمک کے ساتھ بارش متوقع ہے۔

25 اور 26 اگست کے دوران ڈیرہ اور اس سے ملحقہ شمال مشرقی بلوچستان کے مقامی اور برساتی ندی نالوں میں طغیانی کا خدشہ ہے۔

محکمہ موسمیات کے مطابق مظفرآباد شہر اور گرد ونواح میں آسمان پر بادل چھائے ہوئے ہیں، بادلوں کے باعث گرمی کی شدت میں کمی ہوئی ہے۔

دوسری جانب لاہور شہرمیں گزشتہ شب سے ہوا کا سلسلہ جاری ہے جس کی وجہ سے شہر کا موسم قدرے بہتر ہو گیا ہے۔

ہوا چلنے سے حبس اور گرمی کی شدت میں کمی ہوئی اور درجہ حرارت 29 ڈگری ریکارڈ کیا جارہا ہے، محکمہ موسمیات نے دن بھر ہوا چلنے کی نوید سنا دی