چیئرمین پی ٹی آئی کی ہمشیرہ عظمیٰ خان کیخلاف کرپشن کا ایک اور مقدمہ درج

چیئرمین پی ٹی آئی کی بہن عظمیٰ خان پر جعلسازی سے زمین ٹرانسفر کرنے کا الزام،اينٹی کرپشن فیصل آباد ٹیم نے سابق وزیراعظم کی بہن عظمیٰ خان خلاف مقدمہ درج کر لیا۔
اینٹی کرپشن کے مطابق اٹھارہ ہزاری ضلع جھنگ میں عظمیٰ خان نے 1010کنال اراضی خریدی۔ 310کنال اراضی جعلسازی سے ٹرانسفرکی گئی،بوگس ریکارڈ کی بنا پراراضی غیر قانونی طریقے سےعظمیٰ خان نے اپنے نام کروائی۔
جعلسازی سے اراضی ٹرانسفر کرنے والے نائب تحصیلدار،پٹواری کو گرفتار کرلیا گیا۔ اینٹی کرپشن حکام کا کہنا ہےکہ ایڈیشنل ڈپٹی کمشنرریونیو اوردیگرکی گرفتاری کیلئے کوشش جاری ہیں۔