بھارت دے غیر قانونی زیر تسلط جموں و کشمیر اچ بھارتی فوج کشمیریاں تے محرومی تے بھک کوں مسلط کریندی پئی اے ، منیر اکرم

اقوام متحدہ۔24مئی:  پاکستان اقوام متحدہ دی سلامتی کونسل اچ بھارت دے غیر قانونی زیر تسلط جموں و کشمیر اچ بھارتی فوجی قبضے دے تحت کشمیریاں دی مایوس کن حالت زار تے روشنی پیندے ہوئیں متنازعہ علاقہ  کشمیر اچ بھارت دی طرفوں جی 20اجلاس دا انعقاد کر تے صورتحال کوں معمول دے مطابق ݙکھاوݨ دی کوشش دی مذمت  کیتی۔ اقوام متحدہ اچ پاکستان دے مستقل مندوب منیر اکرم گزریل ݙینھ کراس فائر اچ پتھے کشمیری عوام  دی سلامتی اتے وقار کوں یقینی بݨاوݨ تے خوراک تے ضروری خدمات تئیں رسائی دے متعلقہ مسئلے کوں حل کرݨ تے بحث دے دوران آکھیے اقوام متحدہ دی سلامتی کونسل دی قرارداداں دے مطابق  مسئلہ کشمیر دا منصفانہ تے پرامن حل جنوبی ایشیا اچ امن و استحکام دی کلید اے۔ پاکستانی  مندوب آکھیے بھارت دے غیر قانونی زیر تسلط جموں و کشمیر اچ بھارتی فوج انسانی حقوق دی وݙے پیمانے تے خلاف ورزیاں تے انہاں دی املاک اتے ذریعہ معاش تے مسلسل قبضہ کرتے کشمیریاں تے محرومی اتے بھک کوں مسلط کریندی پئی اے ۔ لہذا اے ݙیکھ تے افسوس تھیندے جو جی 20 نمائندیں دے گروپ اچ کجھ خود کوں جموں تے کشمیر اچ صورتحال  معمول دے مطابق ݙکھاوݨ دی غلط تصویر کوں ہیش کرݨ دی بھارتی کوشش اچ استعمال تھیوݨ دی اجازت نی ݙتی ۔ ایں سلسلے اچ پاکستانی مندوب اقوام متحدہ دے اقلیتی امور دے خصوصی نمائندہ فرنینڈ ڈی ورینس دے اڄوکے الفاظ دا حوالہ ݙتا، جنہاں فوجی قبضے  آلے علاقےاچ صورتحال کوں معمول دے مطابق  ݙکھاوݨ دی غلط تصویر پیش کرݨ دی کوشش دے خلاف خبردار کیتے ، جیں دی مذمت کیتی ونڄݨی چاہیدی اے تے اینکوں نظر انداز نی کرݨا چاہیدا ۔