لاہور(بگ ڈٰیجٹ)والد کے ساتھ موٹر سائیکل پر ٹیوشن جاتے ہوئے 16 سالہ لڑکی کو فائرنگ کر کے قتل کرنے والے لڑکے نے خودکشی کرلی ہے۔

تفصیلات کے مطابق لاہور کے علاقے چوہنگ میں تین روز قبل سابق ڈپٹی ڈائریکٹر الیکشن کمیشن عبدالغفار کی بیٹی عیشاءفاطمہ کو فائرنگ کر کے قتل کرنے والے ملزم عبدالمنان نے سرگودھا اپنے گھر میں خود کو سر میں گولی مار کر خودکشی کر لی ہے۔پولیس زرائع کا کہنا ہے کہ ملزم عبدالمنان سرگودھا کا رہائشی تھا اور لاہور میں پڑھنے کے لئے آیاہوا تھا۔وہ مقتولہ عیشاء فاطمہ کا کلاس فیلو تھا۔ دونوں کی آپس میں گہری دوستی تھی۔ چند ماہ قبل مقتولہ نے اس سے تعلق ختم کر دیا تھا۔ جس کا عبدالمنان کو رنج تھا۔ اسی پاداش میں اس نے چوہنگ کے علاقے میں جوبلی ٹاؤن اشارے پر عیشاء فاطمہ کو والد کے ساتھ موٹر سائیکل پر سوار ٹیوشن جاتے ہوئے سر میں گولی مار کر قتل کر دیا تھا۔قتل کی واردات کے بعد ملزم موقع سے فرار ہوکر اپنے گھر سرگودھا چلاگیا تھا۔لاہور پولیس ٹیم نے جدید ٹیکنالوجی کی مدد سے ملزم کی لوکیشن ٹریس کی۔جب پولیس ملزم کو گرفتار کرنے کے لیے اس کے گھر سرگودھا پہنچی توپتہ چلا کہ ملزم عبدالمنان نے گھر کی چھت پر جا کر خود کو سر میں گولی مار کر خودکشی کرلی ہے۔