پیسریگیں حکومت ءَ ریڈیو ءُ پی ٹی وی ءِ ماڑی آناں نیلام کنگ ءِ منصوبگ جوڑ کتگ، ما راجی ماڑی آناں الس ءِ واستہ کارمرز کتگ، نیلام نہ کتگ، پیسریگیں وزیر ءِ واھوالکاری ھمک چیز ءَ را بھا بکن ءِ پالیشی ءِ رد ءَ اتکگ بوتگ انت، مریم اورنگزیب

بنجاھی  وزیر  اھوالکاری  ءُ شنگ  کاری  مریم اورنگزیب   ءَ  گوشتگ  کہ  پیسریگیں  حکومت   ءَ ریڈیو پاکستان     ءُ  پی ٹی وی  ءِ  ماڑی    آناں  نیلام  کنگ ءِ منصوبگ   جوڑ  کتگ،   ما   حکومت   ءَ  اتکگ  آں  گڈا  راجی  میراس ءُ ماڑی   آناں   الس  ءِ واستہ کارمرز  کتگ،   ایشاناں نیلام نہ کتگ،   پیسریگیں    وزیر  ءِ  اھوالکاری   ھمک  چیز ءَ را  بھا  بکن    ءِ پالیشی ءِ  رد  ءَ کار ءَ بوتگ۔  ما  پی ٹی وی  ءُ ریڈیو   پاکستان  ءَ معاشی برجائی ءِ  منصوبگ بندات کتگ۔  پی  ٹی وی ءَ گوزوکیں   سال   ءَ ریکاٹی  ایں  5.5  ارب   کلدار  ءِ   سیت کمائینتگ،  پی  ٹی وی پشاور   ملتان  ءُ کراچی ءَ چہ  دمگی  زبان  آنی   تہ   ءَ شنگ  ءُ  تالان   24  کلاک ءَ   کنگ  بوتگ۔  ریڈیو  پاکستان  ءَ  12  نوکیں سٹوڈیو ز  جوڑ  کنگ بوتگ۔ ریڈیو  پاکستان  ءِ    ماڑی     ءِ  تہ ءَ  الس ءَ را  سستائیں سینیما  گس  جوڑ کنگ بوھگ ءَ انت۔  اے  ھیالانی درشانی آئی   ءَ  پنچ شمبے  ءِ روچ ءَ ادا  راجی اسمبلی ءَ    جوڑیں   قایمہ  کمیٹی  برائے   اھوالکاری  ءُ شنگ کاری  دیوان ءَ تران  کنگ ءَ ات۔   دیوان  ءِ سروکی  کمیٹی  ءِ  چیئرپرسن  جویریہ    ظفر    آہیر  ءَ کت۔ دیوان ءَ کمیٹی  ءِ باسک    آں ابید  بنجاھی سیکرٹری   اھوالکاری  سہیل  علی خان،  پرنسپل   انفارمیشن    اپسرگ    مبشر  حسن ،   ڈی  جی  پیمرا   ءَ ھوار    وزارت  ءِ اھوالکاری   ءِ   اپسرگ   آں بھر زوری  کت