LOADING
اسلام آباد (بگ ڈیجٹ) وزیر دفاع خواجہ محمد آصف سے سری لنکا کے سیکرٹری دفاع ائیر وائس مارشل سمپتھ تھیویاکونتھا (ریٹائرڈ)اور سری لنکن نیوی کے کمانڈر وائس ایڈمرل کنچنا بناگوڈا نے وفد کے ہمراہ آج اسلام آباد میں ملاقات کی
April 29, 2025
اسلام آباد (بگ ڈیجٹ)۔28 اپریل 2025 وزیر دفاع خواجہ محمد آصف سے سری لنکا کے سیکرٹری دفاع ائیر وائس مارشل سمپتھ تھیویاکونتھا (ریٹائرڈ)اور سری لنکن نیوی کے کمانڈر وائس ایڈمرل کنچنا بناگوڈا نے وفد کے ہمراہ آج اسلام آباد میں ملاقات کی۔
ملاقات کے دوران دونوں اطراف نے دفاعی تعاون کو مضبوط بنانے کے لیے باہمی رضامندی پر زور دیا۔
وزیر دفاع نے پاکستان اورسری لنکا کے درمیان دیرینہ دوستی کو سراہا۔ انہوں نے کہا کہ اہم مسائل اور علاقائی تناظر میں نقطہ نظر کی قربت کو دیکھتے ہوئے دونوں ممالک کو کثیرالجہتی تعلقات کے مثبت انداز سے فائدہ اٹھاتے ہوئے موجودہ تعلقات کو مزید مضبوط کرنے کی ضرورت ہے۔
معزز مہمان نے پاکستان کی مسلح افواج کی پیشہ ورانہ مہارت کی تعریف کی، انسداد دہشت گردی میں ان کی کامیابیوں اور کوششوں کا اعتراف کیا۔
فریقین نے دونوں ممالک کے درمیان جاری تعاون پر اطمینان کا اظہار کیا اور باہمی فائدہ مند شعبوں میں تعاون کو مضبوط بنانے کا عزم ظاہرکیا۔
