کراچی (بگ ڈیجٹ) کراچی منگھوپیر ٹاؤن کے مرکزی دفتر میں آج ایک اہم میٹینگ منعقد ہوئی

کراچی (بگ ڈیجٹ)( رپورٹ: پیر بخش نوناری )کراچی منگھوپیر ٹاؤن کے مرکزی دفتر میں آج ایک اہم میٹینگ منعقد ہوئی، جس میں الیکشن کمیشن آف پاکستان کے معزز وفد نے خصوصی شرکت کی۔ وفد کی قیادت اعلیٰ حکام نے کی، جنہوں نے چیئرمین منگھوپیر ٹاؤن، جناب حاجی نواز علی بروہی، بلدیاتی کونسل ممبران اور ٹاؤن انتظامیہ کے افسران سے ملاقات کی۔ملاقات خوشگوار اور تعمیری ماحول میں منعقد ہوئی، جس میں علاقے کی ترقی، بنیادی شہری سہولیات کی بہتری اور عوامی فلاحی منصوبوں پر تفصیلی تبادلہ خیال کیا گیا۔
اس موقع پر الیکشن کمیشن کے وفد نے نادرا رجسٹریشن اسٹیشن کی کارکردگی کا جائزہ لیتے ہوئے اس مہم کو مزید تیز تر، مربوط اور عوام دوست انداز میں جاری رکھنے پر زور دیا۔ وفد نے اس بات کو سراہا کہ منگھوپیر ٹاؤن کی مقامی حکومت نے شہریوں کو شناختی سہولتیں فراہم کرنے کے لیے بہترین اقدامات کیے ہیں الیکشن کمیشن کے وفد نے چیئرمین حاجی نواز علی بروہی کی مہمان نوازی، اور شاندار میزبانی پر دلی شکریہ ادا کیا۔ انہوں نے کہا کہ منگھوپیر ٹاؤن میں ترقیاتی کاموں، صفائی ستھرائی، سڑکوں کی بہتری، اور عوامی سہولیات کی فراہمی کے منصوبے خوش آئند ہیں اور علاقے کی مجموعی صورتحال میں نمایاں بہتری آئی ہے۔تقریب میں میونسپل کمشنر آغاخلیق، وائس چیئرمین رانا محمد عارف، انفارمیشن سیکریٹری ڈسٹرکٹ ویسٹ پاکستان پیپلز پارٹی علی اکبر کاچھیلو، یونس مینگل ،قائد حزب اختلاف حبیب اللہ سواتی، محترمہ زبیدہ بلوچ اور دیگر معززین نے شرکت کی تمام مہمانوں نے منگھوپیر ٹاؤن میں جاری ترقیاتی کاموں اور عوامی خدمت کے جذبے کو سراہا اور بلدیاتی قیادت کو خراجِ تحسین پیش کیاچیئرمین حاجی نواز علی بروہی نے تمام وفد ممبران کواپنے ثقافت کو اجاگر کرتے ہوئے اجرک اور سندھی ٹوپی کے تحفے پیش کیے اور میڈیا سے خطاب کرتے ہوئے کہا:منگھوپیر ٹاؤن کے عوام کی خدمت میرا مشن ہے۔ ہم نادرا رجسٹریشن مہم کو مزید مؤثر بنانے اور ہر شہری تک شناختی سہولیات کی فراہمی کو یقینی بنانے کے لیے ہر ممکن اقدامات کریں گے۔ ہمارا عزم ہے کہ منگوپیر ٹاؤن کی ترقی کا سفر جاری رہے گا اور ان شاء اللہ ہر دن بہتری کی نئی مثال قائم کرے گا۔تقریب کا اختتام دعائیہ کلمات اور ترقی یافتہ،خوشحال اور مضبوط منگوپیر ٹاؤن کے عزم کے اعادے کے ساتھ ہوا