راولپنڈی (بگ ڈیجٹ) بزدلانہ حملے دہشتگردی کیخلاف ہمارے عزم کوکمزورنہیں کرسکتے،آرمی چیف

پاک فوج کے سپہ سالار جنرل عاصم منیرنے کہا ہے بزدلانہ حملے دہشتگردی کے خاتمے کیلئے ہمارے عزم کوکمزورنہیں کرسکتے۔پاک فوج کے شعبہ تعلقات عامہ (آئی ایس پی آر) سے جاری بیان کے مطابق آرمی چیف جنرل عاصم منیر نے بنوں کا دورہ کیا، جہاں ان کوخیبرپختونخوا کے علاقے جانی خیل میں گزشتہ روز ہونے والے خودکش حملے اورسکیورٹی اقدامات پربریفنگ دی گئی۔

آرمی چیف نے سی ایم ایچ کا بھی دورہ کیا اورخود کش حملے میں زخمی ہونے والے جوانوں کی عیادت کی، اوردہشتگردی کیخلاف ان کے عزم کو سراہا۔جنرل عاصم منیر نے کہاقوم دکھ کی گھڑی میں شہید جوانوں کیاہلخانہ کیساتھ کھڑی ہے، اور مسلح افواج دہشتگردی کے ناسورکوختم کرنے کیلئے پرعزم ہیں۔ آرمی چیف نے کہا کہ بزدلانہ حملے د ہشتگردی کے خاتمے کیلئے ہمارے عزم کوکمزورنہیں کر سکتے، پاکستان میں امن واستحکام ہمارے شہداکی قربانیوں کی مرہونِ منت ہے۔