راولپنڈی(بگ ڈیجٹ) کلر سیداں پولیس کی اہم کاروائی، خود کو پولیس اہلکار ظاہر کرکے شہریوں سے رقم بٹورنے والے 02 ملزمان گرفتار،

 وارداتوں میں استعمال ہونے والا اسلحہ اور 02 مسروقہ موٹر سائیکل برآمد۔تفصیلات کے مطابق کلرسیداں پولیس نے کاروائی کرتے ہوئے خود کو پولیس اہلکار ظاہر کرکے شہریوں سے رقم بٹورنے والے 02ملزمان کو گرفتار کرلیا، ملزمان کی شناخت ارباب اور احسان کے نام سے ہوئی،ملزمان سے وارداتوں میں استعمال ہونے والا اسلحہ اور 02 مسروقہ موٹر سائیکل برآمد ہوئے، ملزمان سول پارچات میں خود کو پولیس اہلکار ظاہر کر کے شہریوں کی تلاشی لیتے اور رقم بٹورتے تھے، ملزمان کے ساتھیوں سہولت کاروں کے حوالے سے بھی تفتیش کی جا رہی ہے، ایس پی صدر محمد نبیل کھوکھر نے ایس ایچ او کلر سیداں اور ٹیم کو شاباش دیتے ہوئے کہاکہ ملزمان کو ٹھوس شواہد کے ساتھ چالان کرکے قرار واقعی سزادلوائی جائے گی۔